(( دخيلك ))
_____________
دخيلك ......
لاتهيج جروحي
وتفرح بالاه شماتي
أضحك جذب
وأغشهم بضحكاتي
وأصعد على جروحي
واكتم عنهم وناتي
صفيت جلد وعظم
عاجز أشيل عباتي
مساهر الليل....
جمر جهنم دمعاتي
حتى القلم يبجي...
على حالي وحزن كتاباتي
ملاوه وي الوكت
عافوني ربعي تالي حياتي
يبسن ولاظل بيهن
ورد لاثمر شجراتي
اعظ اصبع ندم......
زين السويته مسح ضحكاتي
تعال وشوف شلون
عكس صارت لهم طيباتي
بس الليل يدري همومي
والمخده تعرف سيل دمعاتي
وانا الماحسبت.... سنبل فارغ وتضيع بيه بذراتي
ظميتهم للضيج....
ماحسبت هيج تصير مجازاتي
تظل جروحك بحشاي مسعده
واظل مداريهه لحد مماتي
وخليك متهني وبعيد
وانا ملاوه وي حسباتي
وأظل اعظ اصبع ندم
كل ماتجي عل البال ذكرياتي
قلمي........
الشاعر والأديب
خضر عباد الجوعاني
العراق
تعليقات
إرسال تعليق